7-8 сынып оқушылары үшін математика, физика, химия, биология және информатика пәндері бойынша жаратылыстану-математикалық бағыттағы пәндер бойынша республикалық жасөспірімдер олимпиадасы

2022 жылдың 05 сәуір күні  Целиноград ауданы білім бөлімінің ұйымдастыруымен Ақмол ауылы орта мектебінде 7-8 сынып оқушылары үшін математика, физика, химия, биология және информатика пәндері  бойынша  жаратылыстану-математикалық бағыттағы пәндер бойынша республикалық жасөспірімдер олимпиадасы өткізілді. Олимпиадаға 216 оқушы қатысты. Тапсырмаларды "Дарын" РҒПО-ның әдістемелі кеңесі әзірледі. Олимпиаданың басты мақсаты -  оқушылардың жаратылыстану-математикалық бағыттағы пәндерді тереңдетіп оқытуға қызығушылығын арттыру, жоғары деңгейдегі олимпиадаларға жасөспірімдерді даярлау жүйесін жетілдіру.Әрбір аудиторияда бейнебақылау камерасы орнатылды және комиссия мүшелері құрылды.Олимпиаданың өткізудің ашықтығы мен академиялық адалдығын бақылау үшін аудандық пән мұғалімдерінен әділ қазылар алқасы сайланды. Олимпиада нәтижесімен келіспеген жағдайда олимпиада қатысушылары аппеляцияға беруге құқылы. Олимпиада қорытындысы аталған пәндер бойынша үздік балл жинаған оқушылар облыстық байқауға жолдама алды.