«Тілге бойлау» жобасы аясында «Тіл – мәңгілік ел тірегі»

Бүгін Нұресіл ауылының «Болашақ» бөбекжайында «Тілге бойлау» жобасы аясында «Тіл – мәңгілік ел тірегі» атты аудандық семинар өтті. Аталған іс-шараның негізгі мақсаты – мектепке дейінгі білім беру ұйымдарында тіл дамыту жұмыстарының тиімді тәжірибелерін тарату және педагогтердің кәсіби шеберлігін арттыру.

Семинар барысында тәрбиешілер өзара тәжірибе алмасып, тілдік ортаны дамытуға бағытталған заманауи әдіс-тәсілдермен бөлісті. Іс-шара аясында 7 ұйымдастырылған оқу іс-әрекеті көрсетіліп, 2 психолог тарапынан семинар-практикум өткізілді. Практикалық бөлімдер мазмұнды ұйымдастырылып, қатысушылар тарапынан жоғары бағаланды.

Балалар барлық іс-әрекеттерге белсенді қатысып, тілдік дағдыларын еркін көрсете білді. Бұл өз кезегінде жүргізілген жұмыстың нәтижелілігін айқындады.

Жалпы, семинар жоғары деңгейде ұйымдастырылып, қатысушылар үшін тәжірибе алмасудың тиімді алаңына айналды.