«Қазақстанның болашағы –қазақ тілінде»

«Қазақстанның болашағы–қазақ тілінде».

Кез келген халықтың ұлттық қазынасы тіл болып табылады. Ал тілді, тіл мәдениетін игеру баланың сәби шағынан іске аса бастайтын, біртіндеп жетілетін үрдіс. 2017жылдың  7-сәуір  күні Целиноград ауданы Ақмол ауылындағы  «Жұлдыз» балабақшасында  аудандық «Мемлекеттік тілді үйреніп жатқан өзге ұлт өкілдерінің мектепке дейінгі, мектеп алды жасындағы және бірінші  сынып оқушылары арасындағы шығармашылық байқау өткізілді. Бұл  байқауға  Целиноград ауданының балабақшаларынан,  мектептерінен 16 бала қатысты. Байқаудың негізгі көздеген мақсаты: "Мәңгілік ел" идеясын іске асыру шеңберінде балалар мен   оқушылардың еліміздің  рухани және жалпыұлттық құндылықтарына негізделген зияткерлік және шығармашылық қабілеттерін қолдау және насихаттау. Балалардың және оқушылардың дағдысын шығармашылық қабілетін және көркемдік талғамын дамыту; тұлғаның  коммуникативті

құзыреттілігін дамыту үшін жағдайлар жасау бойынша білім беру мекемелерінің жұмысын жандандыру;өскелең ұрпақтың қазақ тілі мен әдебиетіне, ұлттық қолданбалы өнеріне, музыкалық өнеріне маңызды

рухани құндылықтар  ретінде оң көзқарасын қалыптастыруға ықпал жасау;білім алушылардың өзін-өзі көрсете алуы, олардың әлеуметтік және шығармашылық белсенділігін арттыруы  үшін жағдай жасау болып  табылыды. Шығармашылық конкурс қамтыған номинациялар: «Музыкалы қонақжай», «Театрландырылған қойылым», «Әдеби  оқу». Екінші кезеңдегі тапсырмалары: «Менің әжемнің ертегілері ...» және берілген тақырып бойынша сөйлесу: «Менің достарым»,«Менің туған үйім»,«Менің үйдегі достарым»,«Мен ... оқығанды ұнатамын». Қатысушы балалар ат салысып, өздерін әр қырынан көрсетуге тырысты. Барлық номинация бойынша жеңімпаздар анықталды. Айтарлықтай, 3-ші орынға иеленген балалардың  ата-аналарына 15 мың теңге, 2-ші орынға – 25 мың теңге, 1-ші орынға- 40 мың теңге көлемінде сыйақы мен диплом тапсырылды. «Жұлдыз» балабақшасынан қатысқан бүлдіршіндер де өз білімдерін сынап, жеңіске жетті:  «Солнышко» тобының тәрбиеленушісі Кравчук  Юля «Музыкалы  қонақжай» номинациясы бойынша 2-ші орынға, ал  Купецкая Арина  «Әдеби оқу» номинациясында  1-ші орынға иеленіп, облыстық  байқауға жолдама алды. Міне, осымен байқау қызықты да, тартысты өтті.