Жеке ANSA және ESEN қорлары Ақмола облысы әкімдігінің қолдауымен, «AMANAT» партиясының бастамасымен, Целиноград ауданында «Baquatty Audan» әлеуметтік жобасын іске қосады

Жеке ANSA және ESEN қорлары Ақмола облысы әкімдігінің қолдауымен, «AMANAT» партиясының бастамасымен, Целиноград ауданында «Baquatty Audan» әлеуметтік жобасын іске қосады

2024 жылғы 13 қарашада сағат 15:00-де Ақмола облысы, Целиноград ауданы, Қараөткел ауылында «Baquatty Audan» бастамасының ресми ашылуы өтеді. Бұл жоба Қазақстанның ауылдық аймақтарында білім беру, денсаулық сақтау және инклюзия мүмкіндіктерін жақсартуға бағытталған.

Іс-шараға «AMANAT» партиясының хатшысы Ш. Каринова, ҚР Мәжіліс депутаттары, Ақмола облыстық білім беру басқармасының басшысы А. Балташева, ANSA және ESEN жеке қорларының өкілдері, сондай-ақ жобаның серіктестері – НЗМ, ОМЦ, НАО, Оқушылар сарайы, BINOM, мектеп директорлары мен мұғалімдер қатысады.

«Baquatty Audan» жобасы Қазақстан Президенті Қасым-Жомарт Тоқаевтың әлеуметтік инфрақұрылымды нығайту және қала мен ауыл арасындағы қызметтерге қолжетімділікті теңестіру жөніндегі тапсырмаларын іске асыруды көздейді.

Жобаның басты бағыттары:

• Білім беру: 1000-нан астам педагогтің біліктілігін арттыру курстарын ұйымдастыру, «Ауыл педагогика академиясын» ашу және 2026 жылға қарай 20 000 оқушыны қамтуды мақсат ететін қосымша білім беру бағдарламасын іске қосу.

• Денсаулық сақтау: Жоба аясында медицина қызметкерлерін оқыту және 52 000-нан астам тұрғынға медициналық қызмет көрсету үшін жеті ауылда мобильді медициналық орталықтар ашылады.

• Инклюзия: Ерекше қажеттіліктері бар балаларға арналған инклюзивті кабинеттер құрылады, сондай-ақ инклюзивті білім беру мамандары даярланады.

Қараөткелдегі IT мектеп-лицейінде өтетін ресми ашылу салтанатында жобалар таныстырылады, қатысушылар сөз сөйлейді, сондай-ақ біліктілігін арттыру курстарын аяқтаған педагогтарға сертификаттар тапсырылады.

Анықтама үшін: «Baquatty Audan» жобасы пилоттық бастама ретінде іске қосылып, кейін Қазақстанның басқа аймақтарына кеңейтілетін болады.

Мекенжай: Қараөткел ауылы, IT мектеп-лицейі, Кенесары хан көшесі, 2Д.
Аккредитация үшін байланыс нөмірі: 8 702 521 55 82, Меруерт