«Ойын мен театрды ұйымдастырудың заманауи әдістері» тақырыбында аудандық семинар

29.04.2026 жылы Родина ауылының «Солнышко»бөбекжайында «Ойын мен театрды ұйымдастырудың заманауи әдістері» тақырыбында аудандық семинар өтті.

Семинардың негізгі мақсаты – мектепке дейінгі ұйымдарда ойын және театр қызметін ұйымдастырудың тиімді, заманауи тәсілдерін тәжірибе алмасу арқылы жетілдіру болды. Іс-шара барысында педагогтар өздерінің озық тәжірибелерімен бөлісіп, балалардың шығармашылық қабілеттерін дамытуға бағытталған түрлі әдіс-тәсілдерді көрсетті.

Семинар жоғары деңгейде ұйымдастырылып, қатысушылар тарапынан оң бағасын алды. Әсіресе, педагогтар мен тәрбиеленушілердің сюжеттік-рөлдік ойындарды шебер ұйымдастыруы, балалардың сахналық мәдениеті мен белсенділігі ерекше атап өтілді.

Іс-шара қорытындысында қатысушылар өзара пікір алмасып, ұсыныстарын білдіріп, тәжірибелік маңызы жоғары семинар ретінде бағалады.