Қашықтықтан оқыту

Қайырлы күн, әріптестер, оқушылар, ата-аналар !

    Қашықтықтан оқыту кезіндегі  маңызды  мәселелердің бірі, оқушылардың оқу жетістігін бағалау. Өзедеріңіз білетіндей бағалау білімдегі олқылықтарды анықтап, оқушыларды оқуға деген ынтасын арттырады. Сондай-ақ мұғаліммен оқушы сабақтағы жетістігін жақсарту үшін,қосымша іс-шаралар жоспарын бірлесіп жасай алады. Биылғы оқу жылындағы бірінші тоқсанда педагогтер  2-11 сыныптарда бөлімге (бұдан әрі – БЖБ) 1 жиынтық жұмыс және тоқсанға (бұдан әрі – ТЖБ) 1 жиынтық жұмыс  өткізеді. Яғни, карантин жағдайындағы бағалаудың ерекшелігі  2-11  сынып оқушыларының оқу жетістігі қалыптастырушы бағалау арқылы анықталып бал қойылады. Ал, 1 сыныпта  бағалау жүргізілмейді.   Бағалаудың бұл түрінің қалыптастырушы болып аталатындығы - бағаның нақты бір оқушыға, оның білім мазмұнын меңгерудегі кемшіліктерін анықтауға және өзіндік  орнын барынша тиімді толықтыруға бағытталғандығын тағыда еске салғым келеді.  

    Бірінші тоқсан аяқталуға жақын қалды,осыған байланысты оқушылардың оқылған бөлім үшін жиынтық бағалау 5 -15 қазан аралығында, ал тоқсан үшін бағалау 28 қазаннан басталады. Бағаланатын әрбір пән бойынша 1 бөлім бойынша және 1 тоқсан бойынша бағалау жүргізіледі. Оқушылардың оқу жетістіктерін бағалау жүргізілетін пәндер мектептің оқу жұмыс жоспарына сәйкес айқындалады.Сонымен қатар, жиынтық бағалау келесі пәндер бойынша өткізілмейді, олар: «Өзін-өзі тану», «Көркем еңбек», «Музыка», «Дене шынықтыру», «Кәсіпкерлік және бизнес негіздері», «Графика және жобалау», «Қоғам және дін» , «Бастапқы әскери және технологиялық дайындық» және бастауыш сыныптарға арналған информатика.  Мединицалық көрсеткіштері бойынша  үйде оқитын, ерекше білім берілуіне қажеттілігі бар балалар үшін мұғалім оқу жүктемесін және олар оқыған оқу материалдарын ескере отырып жеке тапсырмалар әзірлейді. Жалпы тоқсандық қорытынды баға қалыптастырушы бағалау,бөлім бойынша бағалау және тоқсан бойынша бағалау нәтижелері негізінде, яғни оқушылардың тоқсан ішіндегі оқу жетістіктерін бағалау кезінде ескерліп балдары қойылады. Жиынтық бағалаудың қорытындылары оқушыларға,ата-аналарға қағаз немесе электронды форматта беріледі(Қол жетімді байланыс құралдары арқылы БЖБ тапсырмаларын жібереді (Күнделік.kz, мектеп порталының платформасында, электрондық пошта, чат, телебағдарламалар, Қазпошта және т.б. орналастыру).

   Қалыптасырушы бағалау кезінде мұғалім күн сайын журналда электоронды оқушылардың оқу жетістігінің прогресін күнделік.kz орналыстырылған есепке сәйкес бал түрінде тіркеп отырады. Қалыптастырушы бағалау үшін  ең жоғары бал 10 балдан аспайды. Бұл ретте 1-3 бал төменгі деңгей өлшем есебіне сәйкес келеді, 10-30 %  дейін, бұндай бағалау оқушылардың қателектер жіберіп, мұғаліммен кері байланыс туралы қорытынды  жасамай, тапсырмаларды өз бетінше орындамаған жағдайда қойылады. Ал 4 -7  бал аралығы  орта деңгей өлшемін көрсетеді , бұл 40-70 % ,  демек бұл бағалау оқушылардың қандай да бір қателік жіберіп ,тапсырмаларды орындау кезінде қиындықтар туындағанда болады, ал, 8-10 бал ол жоғары деңгей, 80-100% дейін,бұл жағдайда оқушы тапсырмаларды орындау кезінде шамалы бәлсіздіктер жасауы мүмкін, өз бетінше тапсырмаларды орындай алады,түсіндіре алады және жауаптарын  негіздей алады. Осылайша тоқсандық бағалау қалыптастырушы бағалаудың орташа балы, бөлім бойынша, тоқсандық бағалау бойынша жиынтық бағалаудың нәтижелерінің  негізі бойынша тиісінше 25 % және 50 %  ара қатынаста қойылады. Осыған байланысты оқушылардың ата-аналары тарапынан  оқыту нәтижелерін бағалаудың  обьективтілігі жайында  сұрақтар мен мәселелер туындаған жағдайда  тоқсандық  жиынтық бағалауға дейін 1 күннен  кешіктірмей модерация жүргізілетін естеріңізге саламын. Қажетті ақпаратты білім бөлімінің сайтында және smk.kz. nao.kz,бағалаудың нұсқалығы қойылған күнделік.kz сайтынан ала аласыздар. Бұдан да басқа сұрақтар туындаған кезде мектеп әкімшілігіне хабараласуға болады.