Аттестаттарды тапсыру рәсімі

        2019 жылдың 12маусым күні  Целиноград ауданының барлық мектептерінде аттестат беру кеші өткізілді. Биылғы оқу жылында аудан бойынша 642 түлек орта білім алғандығы жөнінде аттестат алып, оның ішінде өз білімдерінің арқасында жүзден жүйрік шығып, бүгінгі күні ауданымыздың мақтанышына айналып отырған  23 «Алтын белгі» және 23«Үздік аттестат» иегерлеріміз де бар.

       «Қош бол, алтын ұя мектебім!» атты Қараөткел ауылы № 2 орта мектебінде өткізілген жиынға Целиноград ауданының басшысы  Тәткеев Малғаждар Саттарұлы 11- сынып оқушылары:Жұмабекова Анараға, Ержан Жансерікке, Жарқын Дәннарға, Бұланбаева Арайлымға «Алтын белгі» табыс етті.

        Целиноград ауданы Білім бөлімінің басшысы Қанат Есенбекұлы Ахметов-Жүнісқожа Назеркеге, Өмірбекова Меруертке, Саяхатқызы Ақтолқынға «Үздік аттестат» табыстады.

         Он бір жыл мектепте оқып, ата-ана мен ұстаздарының қуанышы болған мектеп бітіруші түлектерді бүгінгі қуанышты сәтімен  құттықтаймыз!