Целиноград ауданы мұғалімдер арасында әскери-спорттық Намыс-2022 ақтық сын спартакиадасын өткізді.

Целиноград ауданы білім бөлімі 2022 жылдың 16наурыз күні Целиноград ауданы білім қызметкерлерінің Кәсіподақ Кеңесінің төрағасы К.С.Сатбалдин демеушілігіменАқмол ауылындағы орта мектебінде мұғалімдер арасында әскери-спорттық Намыс-2022 ақтық сын спартакиадасын өткізді. Ақтық сын сайысына аудандық аумақтан жеңіп шыққан бірінші, екінші орын иеленген командалар Ақмол, Қараөткел №1, Қосшы №1, Қабанбай батыр, Родина, Төңкеріс, Ы.Алтынсарин және Талапкер орта мектептерінің ұстаздары  қатысты. Жарыс номинациялары оқу-жаттығу АК-74 автоматын жартылай бұзу, жинау, пневматикалық винтовкадан нысанаға ату, қол күресі, жалпы дене жаттығуы: белтемірде тартылу, еденде қолды жазып, бүгу, командалық арқан тарту. Жарыс қорытындысы бойынша командалық 1-ші орынды Ақмол орта мектебі, 2-ші орынды Қабанбай батыр орта мектебі, 3-ші орынды Талапкер орта мектебі иеленді. Жекелей сында озық нәтиже көрсеткен Оспанова Венера Канатовна, Калдыбекова Линара,Жолдыбаев Нурболат, Байтикенова Гульдариға, Жорматов Айдос, Сапарғали Серік, Такенова Аяжан бағалы сыйлықтармен марапатталды. Көктемнің Әз-Наурыз мерекесімен құттықтаймыз және сіздерге зор денсаулық, жұмыста табыс және спортта жаңа шығармашылық жетістіктер тілейміз!