АҚПАРАТ ҰЛТТЫҚ БІРЫҢҒАЙ ТЕСТІЛЕУ – 2026

Ұлттық бірыңғай тестілеу (ҰБТ) – жоғары және (немесе) жоғары оқу орнынан кейінгі білім беру ұйымдарына түсуге арналған іріктеу емтихандарының бір нысаны (ҚР «Білім туралы» Заңы, 1-бап, 56-тармақ).

🗓 Тіркелу және өткізу мерзімдері

• Тестілеуге қатысуға өтініш қабылдау: 15–25 ақпан
• Тестілеу өткізу мерзімі: 1 наурыз – 6 сәуір
• ҰБТ ҰБТ өткізу пункттерінің базасында жүзеге асырылады.

Түсушілер тестілеуге Ұлттық тестілеу орталығы сайты арқылы онлайн тіркеле алады.
Тестілеу пунктін, күнін және уақытын түсуші өз бетінше таңдайды.

🖥 Өткізу форматы

• ҰБТ электрондық форматта «1 тестіленуші – 1 компьютер – 2 камера» қағидаты бойынша өткізіледі;
• Бір немесе бірнеше дұрыс жауабы бар тест тапсырмалары қолданылады;
• Нәтиже тестілеу аяқталғаннан кейін бірден беріледі;
• Техникалық себептер бойынша өтініштер тестілеу барысында қабылданады;
• Тестілеу мазмұны бойынша апелляцияға өтініштер тестілеу аяқталғаннан кейін 30 минут ішінде беріледі;
• Апелляциядан бас тартқан жағдайда түсуші РАК отырысы басталғанға дейін жеке кабинетінде өтінішін кері қайтара алады.

🏅 Ерекше санаттағы талапкерлер

• «Алтын белгі» иегерлері;
• Жалпы білім беретін пәндер бойынша халықаралық және республикалық олимпиадалардың, ғылыми жобалардың жеңімпаздары мен жүлдегерлері ҰБТ-ны жалпы негізде тапсырады;
• Балл саны бірдей болған жағдайда білім беру грантын алу басымдығы «Алтын белгі» иегеріне беріледі.
  (Мысалы: екі талапкер 122 балл жинаса, грант «Алтын белгі» иегеріне беріледі. Егер басқа талапкердің балы жоғары болса, басымдық берілмейді.)
• Жалпы білім беретін пәндер бойынша 5 халықаралық олимпиада жеңімпаздары мен жүлдегерлеріне арнайы гранттар бөлінеді.

📚 ҰБТ-ға дайындық

ҰБТ-ға дайындық материалдары Ұлттық тестілеу орталығы ресми сайтында ұсынылған:
https://testcenter.kz

Ұсынылатын материалдар:

• Тест спецификациялары
• ҰБТ-ға дайындалуға арналған оқулықтар тізбесі
• Дүниежүзілік тарих және Қазақстан тарихы бойынша тарихи күндер тізімі
• «Қазақ әдебиеті» және «Орыс әдебиеті» пәндері бойынша әдебиеттер тізімі

Байқау тестілеу:

1. Онлайн тегін: https://prob-ent.testcenter.kz
2. Онлайн ақылы: https://app.testcenter.kz/profile/prob-test
3. Аймақтық тестілеу орталықтарында (АТО) офлайн тестілеу (сайт арқылы тіркелу).

🚫 Тестілеу кезінде тыйым салынады:

• Әкімшінің рұқсатынсыз аудиториядан 10 минуттан артық шығуға;
• Сөйлесуге, орын ауыстыруға;
• Құжаттармен, тыйым салынған заттармен алмасуға;
• Тест материалдарын аудиториядан алып шығуға немесе бүлдіруге;
• Шу жасауға;
• Тапсырмалар мазмұнын жариялауға;
• Тестілеу техникасына немесе қауіпсіздік жүйесіне зиян келтіруге;
• Тестілеу жүйесіне араласуға.

Аудиториядан шыққан жағдайда қайта кірген кезде металл іздегіш арқылы тексеріледі.

❗ Алып кіруге қатаң тыйым салынады:

• Шпаргалкалар, оқулықтар, оқу-әдістемелік әдебиеттер;
• Барлық түрдегі және нысандағы қағаздар;
• Калькуляторлар (компьютер интерфейсіндегі калькуляторды пайдалануға рұқсат етіледі);
• Менделеев кестесі және тұздардың ерігіштігі кестесі (компьютерде берілген нұсқасы қолданылады);
• Фотоаппараттар;
• Ұялы телефондар, планшеттер, рациялар, пейджерлер;
• Ноутбуктер, плейерлер, модемдер (мобильді роутерлер);
• Смарт сағаттар, фитнес-білезіктер, смарт көзілдіріктер;
• Сымды және сымсыз құлаққаптар, микроқұлаққаптар;
• Сымсыз бейнекамералар;
• GPS навигаторлар, GPS трекерлер;
• Қашықтан басқару құрылғылары;
• Радио-электрондық байланыстың кез келген түрлері (Wi-Fi, Bluetooth, DECT, 3G, 4G, 5G, VHF, UHF, GPS, GSM).

📌 Ескерту:
Тестілеу талаптарын бұзған жағдайда нәтижелер жойылады және тиісті шаралар қолданылады.

ӘДІСТЕМЕЛІК КАБИНЕТ