"Заманауи мұғалімнің -цифрлық құралы" тақырыбында аудандық семинар

12.02.25 күні  Қоянды /2 ЖОББМ  "Заманауи мұғалімнің -цифрлық құралы" тақырыбында  аудандық  семинар ұйымдастырылды. Бұл семинардың мақсаты – білім беру үдерісінде заманауи технологияларды тиімді пайдалану жолдарын көрсету және мұғалімдердің цифрлық сауаттылығын арттыру.

Семинар барысында қатысушыларға интерактивті тақталар, онлайн платформалар, білім беру қосымшалары және басқа да заманауи цифрлық құралдарды қолданудың тиімді әдістері таныстырылды. Сонымен қатар, ұстаздар өздерінің іс тәжірибелерімен алмасып, ашық сабақтар мен коучингі өткізілді. Өз жұмыстарының тиімділігін арттыру жолдарын талқылап, тәжірибе алмасты. Ғафу Гүлжанат Ғафуқызы, PhD, Назарбаев Университеті Жоғары білім беру мектебі, ассистент профессорі  “Білім берудегі зерттеулер мен ғылыми этика” атты баяндамасын оқып,семинарға қатысқан ұстаздармен пікір алмаса отырып, іс- тәжірибесімен бөлісті. Семинарға Ақжар, Қоянды /1 , Қызылсуат, Софиевка,Опан мектептері қатысты.

Іс-шара соңында қатысушыларға сертификаттар табысталып, цифрлық құралдарды білім беру жүйесіне енгізудің маңыздылығы мен артықшылықтары тағы бір мәрте атап өтілді.