«Жайлы мектеп» жобасын іске асыру шеңберінде салынған Целиноград ауданы Қоянды ауылындағы мектеп-лицейіні

«Жайлы мектеп» жобасын іске асыру шеңберінде салынған Целиноград ауданы Қоянды ауылындағы мектеп-лицейінің қолданысқа берілуіне орай Ақмола облысының әкімі Ахметжанов Марат Мұратұлы мектепке келіп, мектептің жағдайымен танысты. 
Атап айтсақ, мектеп асханасымен танысып, оқушыларға берілетін ыстық тамақ мәзірімен танысты.
Денешынықтыру пәні сабақтарына арналған үлкен және кіші спорт залдарында оқушылардың қазақша күресін және тхэквондо, волейбол ойындарын тамашалап, оқушылардың спортқа деген ынталарының жоғары екендігіне қуанды. 
Мәжіліс залында 9-11 сынып оқушыларымен «Менің болашақ мамандығым» атты сыныптан тыс іс-шара өтті. Облыс әкімі Марат Мұратұлы оқушылармен сұхбаттасып, ізгі тілегін білдірді. 
Сонымен қатар, хореография залындағы оқышылардың шығармашылық би өнерлерін, коворкинг алаңындағы қолдан жасалған әр-түрлі заттарды тамашалап, музыкалық аспаптар, домбыра, жетігенде ойналған күйлерін тыңдады. 
Химия пәні кабинеті, STEM зертханасымен танысты. Сондай-ақ кітапханадағы кітап қорымен танысып, мектепке көркем әдебиет сыйлады.